La diputada del Grupu Mistu diz que van yá «diez años de retrasu» otru mandato-marcu quier que incluya una dirección de conteníos n'asturianu y gallego-asturianu
27 feb 2024 . Actualizado a las 18:02 h.La diputada del Grupu Mistu, electa por Podemos Asturies, Covadonga Tomé, manifestó esti martes que la so formación va pidir que'l mandato-marcu de la RTPA incluya una dirección de conteníos n'asturianu y gallego-asturianu.
Tomé indicó qu'esti miércoles va celebrase la primer ponencia pa falar d'esi mandato-marcu que ye'l preséu y ferramienta fundamental pa establecer el modelu y oxetivos de la radio televisión pública asturiana.
Recordó Tomé que van yá «diez años de retrasu» y lo que se debería tar debatiendo ye'l segundu mandato-marcu. Asina indicó esti miércoles va defender el formatu que consideren más afayadizu pa establecer esi documentu y que pasaría per establecer comparecencies d'espertos y profesionales del sector y depués, n'escuchando a toos ellos y a los grupos parllamentarios ellaborar el documentu.
Asina indicó que'l so grupu yá tien más d'una docena d'aportaciones, ente elles esa creación de la dirección de conteníos n'asturianu y gallego-asturianu que vele pol usu correctu de les llingües propies y estableza'l modelu llingüísticu a siguir.
Dixo Tomé que ye necesario cuntar con una RTPA ensin inxerencies polítiques, independientemente de quien gobierne, que sía respetuosa cola llibertá d'espresión y participación. Nel mesmu sentíu, el so compañeru de files, Xune Elipe indicó que pa ellos los medios de comunicación públicos «son una cuestión de país» y por eso ve necesario sentar les bases pa que en los mesmos «prime la llibertá d'espresión ensin inxerencies polítiques, ensin responder a porcentaxes y cupos políticos sinón al criteriu profesional».
Amás, esos medios tienen que tener como pata fundamental el ponese al serviciu de la normalización social de les llingües propies, nesti casu del asturianu y gallego-asturianu; informó Europa Press.