Va cuntar con delles actividaes como dalgunes ponencies, una mesa redonda, la presentación d'un videu y una muestra de música en directo
16 feb 2024 . Actualizado a las 13:55 h.L'Academia de la Llingua Asturiana (ALLA) entama una xornada d'alcordanza y reivindicación de Conceyu Bable, abriendo con ella un añu nel que'l mediu sieglu d'aquella asociación va marcar l'axenda del asturianismu cultural y llingüísticu.
Baxo'l títulu «Xorrecíes tán les manes. Mediu sieglu de Conceyu Bable na perspeutiva de l'Academia de la Llingua Asturiana», la xornada conmemorativa va cuntar con delles actividaes que la institución va dir anunciando d'equí a poco.
Ente elles, dalgunes ponencies, una mesa redonda, la presentación d'un videu y una muestra de música en directo. Los actos van celebrase nel salón d'actos de la Biblioteca Ramón Pérez de Ayala, n'El Fontán (Uviéu), el xueves 14 de marzu, ente les 16.00 y les 20.00 hores. La entrada ye llibre hasta enllenar les butaques., informa Europa Press.