La banda formada por Rubén Bada y Leticia Baselgas va cuntar con Ferla Megía como artista invitáu
09 feb 2024 . Actualizado a las 12:03 h.L-R presenten el so discu nuevu V.O.S. na Sala Acapulco - Casinu d'Asturies, en Xixón, el 10 de febreru a les 21.00 hores. La banda formada por Rubén Bada y Leticia Baselgas va cuntar con Ferla Megía como artista invitáu.
V.O.S., el discu nuevu de L-R, xuega col conceptu de «Versión Orixinal Subtitulada» pa preguntase a qué suena un llugar na memoria colectiva y mostrar como la tresmisión de la música tradicional ye al traviés de distintes versiones.
L-R, dúu formáu pola panderetera Leticia Baselgas y el guitarrista Rubén Bada, ye una formación qu'entemez cantares tradicionales con soníos del blues, jazz o rock. El grupu formóse nel añu 2016 cola etiqueta «postfolk asturianu» pa mecer los soníos de la tradición asturiana de pandereta con guitarra eléctrica.
Esta visión particular de la música tradicional asturiana, el post-folk, trata d'axuntar dos mundos aparentemente distantes: la tradición y la modernidá. La guitarra eléctrica y la pandereta conxúguense dando vida a una combinación que perpasa les llendes de la música tradicional, informa Europa Press.