Vox marcha del Plenu al intervenir Palacios n'asturianu, anque Piñán yá lo fixera enantes tres veces

Los diputaos de Vox na Xunta Xeneral del Principáu, Ignacio Blanco y Sara Álvarez, abandonaron esti martes l'hemiciclu depués de que la conseyera de Cultura, Política Llíngüística y Turismu, Berta Piñán, realizara toles sos intervenciones nel Plenu n'asturianu en respuesta a IX, PP, Podemos y Foru; y depués de que'l diputáu de Podemos, Rafael Palacios, participara, tamién n'asturianu.

Los representantes de Vox salieron de la sesión plenaria en silenciu y ensin protestar al presidente de la Cámara. «Quiximos manifestar la nuestra disconformidá col alcuerdu de PSOE y IX sobre l'usu del 'Bable', ensin estridencies y ensin los circos que quier Podemos».

Pa Vox «Podemos pretende la imposición d'una llingua non oficial, a pesar de que-yos pidimos qu'adelantaren la so intervención per escritu con anterioridá al alcuerdu de la mesa».

«Énte la incapacidá de la mesa pa respetar los derechos de tolos diputaos, vamos redactar el nuestru propiu protocolu y vamos valorar actuaciones xudiciales», apunten los diputaos de Vox.