PlayPresta estrena'l Collaciu Invisible pa estes navidaes

La plataforma d'ociu, cultura y entretenimientu PlayPresta, dirixida a la creación de conteníu pa xente mozo ta acabante de dar anuncia d'un espaciu nuevu na so web: el Collaciu Invisible. Tres de los propios videos que PlayPresta espubliza acaldía, el Caxellu y el Wordle n'asturianu, aporta a la plataforma esti nuevu espaciu que yá puedes entamar a usar nesti enllaz.

El collaciu invisible ye un xuegu o tradición popular nel qu'un grupu de persones intercambia regalos de manera secreta. Ye especialmente común mientres les fiestes navidiegues, pero tamién s'utiliza n'otres ocasiones como cumpleaños, xuntes de trabayu, o celebraciones escolares.

Organización: Los participantes escriben los sos nomes na web y depués sortéense al azar. Cada persona recibe'l nome de daquién a quien tendrá de regalar daqué, pero ensin revelar quién ye.

Preparación: Dacuando, los participantes pueden establecer un presupuestu máximu o mínimu pa los regalos, o suxerir una llista de deseos pa facilitar la elección.

Entrega: Nuna fecha alcordada, los regalos apúrrense. Xeneralmente, esto faise nuna xuntanza onde s'intenta aldovinar quién foi el "collaciu invisible".

Too eso ye posible facelo n'asturianu esti añu gracies a PlayPresta. ¡Entaína a xugar al Collaciu Invisible!