Sex Pistols y Thirty Seconds to Mars van tocar nel branu de 2025 dientro del Tsunami Xixón Festival

Les primeres «bombes» de la séptima edición del Tsunami Xixón Festival ya cayeron. Esta mañána presentóse na Casa Conceyu les cuatro primeres bandes que van xubir al escenariu del Parque Hermanos Castro de Xixón mientres el 18 y 19 de xunetu de 2025 y los dos principales nomes son Thirty Seconds to Mars y Sex Pistols, acompañaos estos últimos del artista Frank Carter como vocalista.

Creadores del punk, Sex Pistols, col frontman Frank Carter van tar en Xixón esti branu. La banda americana Thirty Seconds To Mars, lideraos pol ganador d'un Óscar, Jared Leto, van ser otru de los grandes cabeces de cartelu de TXF25. Dende los 90, ye considerada una de les bandes referentes nel rock a nivel internacional y van ufiertar un show espectacular nel Parque Hermanos Castro.

Amás, Refused presenten el so conciertu de despidida en Xixón dientro de la so xira ARE FXXKING DEAD Tour . Va ser una ocasión irrepetible para esfrutar del soníu tan únicu d'esta banda sueca antes de la so retirada definitiva de los escenarios.

La organización anuncia amás que, bien llueu, van siguir anunciándose artistes nuevos pa la edición viniente, mesmo que delles actividaes. Les entraes van salir a la venta el miércoles viniente, 30 d'ochobre, a partir de les 12:00 hores.