La fiesta del cine vuelve a Asturies del 4 al 7 de payares

Asturies va poder volver esfrutar del cine al meyor preciu cola Fiesta del Cine, un eventu que se vien repitiendo dende va años y nel que los precios de les entraes baxen a un preciu simbólicu, faciendo que la cantidá de públicu aumente enforma. El preciu va siguir siendo el mesmu que n'ediciones anteriores, costando 3,50€, anque puede xubir dalgo en delles sales por gastos de xestión o por ser una sala luxe. Les feches pa poder esfrutar del cine a esti preciu va ser del 4 al 7 de payares y nun fai falta rexistrase.

La fiesta del cine asocede nun momentu nel que les grandes pantalles tán amosando delles películes considares taquilleres, polo qu'estes feches son bones pa esfrutar d'elles. Na cartelera va haber películes como Joker: Folie à Deux, Super/Man: La historia de Christopher Reeve, La Sustancia, La infiltrada, la última propuesta cinematográfica del manchegu Pedro Almodovar, La habitación de al lado.

Na comunidá autonoma asturiana son seis los cines que quixeron venceyase con esta celebración:

Xixón

• Cines Yelmo Ocimax
• Ocine Premium Los Fresnos

Uviéu

• Cines Embajadores Foncalada
• Cine Yelmo Los Prados

Siero

• Cinesa Luxe Parque Principado

Corvera

• Odeon Multicines Parque Astur