El Reguerada Fest vuelve a Candás del 11 al 13 d'ochobre

Candás va convertise en puntu d'alcuentru de les distintes disciplines artístiques y el mundu de la empresa y comunicación los díes 11, 12 y 13 d'ochobre, con una programación dirixida a tolos públicos qu'inclúi una feria, recitales lliterarios, talleres, charres, esposiciones o conciertos que se van desenvolver na Fábrica d'Ortiz, el Teatru Prendes y la Biblioteca de Candás.

Too ello va facese dientro del Reguerada Fest, el festival d'empresa y cultura n'asturianu que rinde homenaxe col so nome a Antón de Marirreguera, nacíu nel conceyu de Carreño y autor de la que se considera la primer obra lliteraria que se caltién n'asturianu. Nesta ocasión, el festival celebra la so tercer edición, coordinada otra vuelta pol escritor Xaime Martínez. Mientres trés díes, la villa mariñana va ser la capital de la cultura n'asturianu, con delles actividaes pa tolos públicos y de baldre.

La inauguración de la esposición La voz de la nortiada, una instalación visual y sonora del artista Ánxel Nava, va marcar l'empiezu de les actividaes del Reguerada Fest el vienres 11 d'ochobre na Fábrica d'Ortiz, localización que tamién va acoyer el mercáu y feria de llibros y empreses con ventitrés entidaes participantes. A estes propuestes xunen los recitales poéticos, alcuentros con autores y meses redondes, amás del cuntacuentos con Fraile Dorado, Pintar-Pintar, Higiénico Papel Teatro y una ruta cultural y lliteraria per Candás. Van realizase coles mesmes talleres, con places llendaes, d'aniciu al baille tradicional, de bordáu con abalorios, de composición de cantares o de conserves.

Mientres el festival va haber conciertos de Marisa Valle Roso y Skama la Rede, que celebra'l so ventenu aniversariu, mesmo qu'un pasucais a cargu del Grupu de Baille San Félix. El públicu tamién va poder esfrutar del conciertu Canciones pa la xentiquina, con una selección sentimental de Nacho Fonseca al cargu d'Alicia Álvarez. El Teatru Prendes va acoyer les representaciones de Perendi, de La Compañía del Alba, y d'Hasta que to ma nos separte, del grupu de teatru navetu La Puente Arriba. Coles mesmes, na Biblioteca de Candás l'escritor Xurde Fernández va caltener un alcuentru colos integrantes del Club de Llectura del centru sobre'l so llibru Caledonian Road.

Esta ye la programación completa:

Viernes 11

• 17.00 hores: inauguración del festival. Acción d'El Bardu Errante.
• 17.00 hores: inauguración de la esposición La voz de la nortiada. El pleitu de les toliñes o pleitu de la llingua asturiana de Ánxel Nava. Instalación visual y sonora.
• Dende les 17.00 hores: mercáu, feria de llibros y empreses asturianes (Fábrica d'Ortiz).
• 17.30 hores: visita guiada por Candás con Ser Asturianu. (Puntu d'alcuentru: Fábrica d'Ortiz). Places llendaes. Conciertu Canciones pa la Xentiquina. Una selección sentimental de Nacho Fonseca con Alicia Álvarez (Fábrica de Ortiz).
• 18.30 hores: Aprender la lliteratura asturiana. Charra con Darío de Dios, Paz García Álvarez, Lucas Vega Villabrille y Pablo Rodríguez Medina (Fábrica d'Ortiz). Bruxa: cuntacuentos y taller de conxuros máxicos con Pablo Fraile Dorado y Pintar - Pintar (Fábrica d'Ortiz). Places llendaes.
• 19.00 hores: alcuentru con Xurde Fernández: Caledonian Road. Col Club de lectura de la Biblioteca de Candás (Biblioteca municipal). Pa los integrantes del Club de llectura de la Biblioteca municipal.
• 19.30 hores: recital de poesía con Xosé Ánxelu Morán, Fran Fernández Álvarez, Sofía Castañón y Berta Piñán (Fábrica d'Ortiz).
• 20.30 hores: Marisa Valle Roso en conciertu (Fábrica d'Ortiz).
• 21.00 hores: Grupu de teatru La puente arriba (Nava) presenta: Hasta que to ma nos separte de J.R. Oliva. Obra ganadora del Premiu Aurora Sánchez del Público a la meyor función del XXXIV Salón de Teatru Costumista Asturianu de Candás 2024 (Teatro Prendes). Entrada única: 5 euros.

Sábado 12

• Dende les 11.30 hores: mercáu, feria de llibros y empreses asturianes (Fábrica d'Ortiz).
• 11.30 hores: pasucais Grupo de baile San Félix: Llamando a conceyu.
• 12.30 hores: La difusión de la cultura asturiana. Charra con Xicu Ariza, Marta Mori, Marcos García Alonso y Alma Hidalgo (Fábrica d'Ortiz).
• 13.30 hores: aniciu al baille tradicional con Pau Santirso (Fábrica d'Ortiz).
• 16.30 hores: aniciu al bordáu con abalorios. Taller de costura con Ringo Rango (Fábrica d'Ortiz). Places llendaes.
• 17.30 hores: ¡Sigui la güelga! Cuentu-taller con Susana Sela (Fábrica d'Ortiz). Places llendaes. Visita guiada por Candás con Ser Asturianu. (Puntu d'alcuentru: Fábrica d'Ortiz). Places llendaes.
• 18.30 hores: Tresmisión interxeneracional y lliteratura. Charra con David Guardado Díez, Iris Díaz Trancho, Blanca Fernández Quintana y Milio Rodríguez Cueto (Fábrica d'Ortiz). Canto‘l miou cantar. Taller de composición de cantares con Vero Rubio (Fábrica d'Ortiz). Places llendaes.
• 19.00 hores: Perendi de Milio Rodríguez Cueto y La Compañía del Alba (Teatru Prendes).
• 19.30 hores: cosplay asturianu con Blanca Fernández Quintana (Fábrica d'Ortiz).
• 20.30 hores: Skama la Rede en conciertu (Fábrica d'Ortiz).

Domingo 13

• Dende les 11.30 hores: mercáu, feria de llibros y empreses asturianes (Fábrica d'Ortiz).
• 11.30 hores: cuntacuentos infantil La islla invisible con Higiénico Papel Teatro (Fábrica d'Ortiz).
• 12.30 hores: taller gastronómicu de conserves con Lluis Nel Estrada (Fábrica de Ortiz). Places llendaes. Concierto didáctico de David Varela (Fábrica d'Ortiz).
• 13.30 hores: poesía lletrónica. Recital de Xuan Xosé Sánchez Vicente, Marisa López Diz y Beatriz Quintana Coro cola música de La Güeriata (Fábrica d'Ortiz).
• 14.30 hores: danza prima y clausura.