El Principáu espera que'l mandato-marcu permita aumentar el papel de la llingua asturiana na programación de RTPA

La conseyera de Cultura, Política Llingüística y Deporte, Vanessa Gutiérrez, esperó que'l mandatu-marcu de RTPA permita aumentar y ameyorar los conteníos que s'emiten en llingua asturiana na televisión autonómica.

Gutiérrez espresóse asina na Comisión de Cultura de la Xunta Xeneral, onde'l diputáu de Foru Asturias, Adrián Pumares, preuntó sobre les midíes de normalización llingüística y que se taben entamando y sobres les actuaciones pa garantizar una presencia mayor del asturianu na TPA.

Nesi sentíu, Pumares reclamó amás de un porcentaxe mayor d'emisión, una «dignificación mayor» porque «un tiempu mayor d'usu nun implica una dignificación mayor, porque depende de cómo y ónde s'use».

Nesi sentíu, la conseyera dixo que «claro que nos prestaría na televisión pública más conteníos -n'asturianu- y más variedá y con muncha calidá na llingua que s'usa nellos». Una cuestión, recordó, pa la que ye «fundamental» el mandato-marcu nel qu'agora mesmo tán trabayando los grupos parllamentarios.

«La verdá que van faer un llabor realmente importante nesi aspectu», indicó Gutiérrez, que tamién esplicó a Pumares que les propuestes que treslladó l'Academia de la Llingua Asturiana a los grupos parllamentarios y al Principáu pa recoyer nel Plan de Normalización Llingüística que se va poner en marcha «van ser contemplaes nesi plan que se ta trabayando», informa Europa Press.