Tonada, rap, celta y rock completen la ufierta musical de la segunda edición del Semando Fest
Agora
Asina, nel espectáculu va poder vese a la cantadora Sandra Álvarez, la escritora Noemí González, grupu Monstru l'Horru y Guieldu
10 Jan 2024. Actualizado a las 18:11 h.
El Semando Fest va celebrase'l viernes 9 de febreru, dende les 20.45 hores en Lata de Zinc (Uviéu). Nesta segunda edición va cuntar con actuaciones que van de la tonada, al rap, pasando pela música celta y el rock.
Asina, nel espectáculu va poder vese a la cantadora Sandra Álvarez y la escritora Noemí González, que van ufiertar un espectáculu que va entemecer asturiana y poesía feminista. Depués van venir les actuaciones del grupu de rap Monstru l'Horru, el folk celta de Guieldu y, pa poner el ramu, el rock, punk y ska d'Ochobre.
El Semando Fest ye un festival de música moza n'asturianu qu'entama Musicasturiana.com y Ixuxú Cultura y onde participen proyectos d'estremaos estilos musicales cola característica en común de que la mayoría de los sos componentes son menores de 34 años.
Les entraes yá tán a la venta na páxina de Musicasturiana.com por 10 euros pa menores de 26 años, 12 euros con preciu estándar y 20 euros col CD «Semando Son» de regalu.