La fiesta añal de los economistes asturianos

El Colexu Profesional d'Economistes d'Asturies va celebrar, esti vienres, 3 de payares, la fiesta añal de los economistes d'Asturies, la primera tres la fusión celebrada ente'l Colexu d'Economistes y el Colexu de Titulaos Mercantiles el pasáu añu.

Más de trescientos economistes van xuntase na Sala de Cristal del Palaciu d'Esposiciones y Congresos Ciudá d'Uviéu pa facer el so tradicional alcuentru, aldericar sobre la economía asturiana y apurrir la reconocencia al colexáu d'honor, y homenaxar al exdecanu Miguel de la Fuente, fináu'l pasáu mes de xineru.

L'actu, que va entamar a les 19:00h, va celebrase un homenaxe póstumu a Miguel de la Fuente, exdecanu del CEA dende'l 2008 hasta'l 2021. Darréu, va apurrise'l premiu Colexáu d'Honor a Jesús Samartín, expresidente del REAF (Rexistru d'Economistes Asesores Fiscales). Esti gallardón concédese añalmente dende 2004 a economistes venceyaos al Principáu d'Asturies que destacaren de forma sobresaliente al traviés de la so trayectoria profesional, contribuyendo colos sos llogros a la dignificación del oficiu.

A lo cabero, va celebrase una mesa redonda sobro'l presente y futuru d'Asturies» moderada pola periodista Olalla Pena, na que van participar José Manuel García-Margallo, exministru y eurodiputáu; Jesús Arango, economista y exconseyeru del Principáu d'Asturies; y Pablo Junceda, director xeneral axuntu del Banco Sabadell.