Riaño afirma que Cadavéu ye llingua y cultura, polo que nun reconocelo «manca la nuestra dignidá como pueblu»
Agora
El llugar de Cadavéu, nel conceyu de Valdés, ye'l Premiu al Pueblu Exemplar d'Asturies 2022
30 Oct 2022. Actualizado a las 11:52 h.
El presidente de l'Academia de la Llingua Asturiana (ALLA), Xosé Antón Gonzñalez Riaño, afirmo esti sábado que Cadavéu ye llingua y cultura asturiana, polo que nun reconocer eso «manca a la nuestra dignidá como pueblu».
Nun apunte en Twitter, recoyíu por Europa Press, el presidente de la institucional cultural afirmó, coincidiendo cola entrega del Pueblu Exemplar 2022, que Cadavéu «ye Fernán Coronas». «Ye la llingua y la cultura de nueso, ye la esencia d'Asturies. Duel nel alma, y manca a la nuestra dignidá como pueblu, nun facer reconencia d'ello», indicó'l presidente de l'ALLA.
El llugar de Cadavéu, nel conceyu de Valdés, ye'l Premiu al Pueblu Exemplar d'Asturies 2022, y esti sábadu recibió la visita de Familia pola entrega del gallardón. Los vecinos mostraron a los Reis y a la Princesa la cultura local, rellacionada cola figura del sacerdote y escritor valdesanu Galo Antonio Fernández (1884-1939), conocíu como Padre Galo y que foi un destacáu escritor n'asturianu, col nomatu de 'Fernán Coronas'.
L'actu institucional celebróse nel prau del campu de la ilesia, onde los discursos institucionales de los Reis tuvieron pregoneaos por Xosé Manuel Fernández Pérez con un discursu n'asturianu escritu en versu que xeneró la sorrisa nes cares de los Reis. Foi esi'l momentu nel que la Princesa tuvo qu'abandonar la visita al sentise indispuesta.
La Reina encargóse de lleer el discursu de la Princesa d'Asturies onde Leonor de Borbón indicaba que «no le faltaba razón cuando escribió ese verso en el que decía que si el Príncipe de Asturias -bueno, Princesa, en este caso- venía por aquí, escogería este lugar para hacerse una quinta enfloriada». Esa foi la forma utilizada pola Princesa pa facese ecu d'un poema n'asturianu del Padre Galo, informa Europa Press.