Asturies llucha pa que la cultura sidrera sea Patrimoniu de la Humanidá: «Más ceo que tarde va selo»
Agora
El presidente asturianu, Adrián Barbó, pide unídá pola candidatura ya que «forma parte de la nuestra forma de vivir y de ser y tenemos que siguir defendiéndola»
12 Jul 2021. Actualizado a las 12:53 h.
El presidente del Gobiernu asturianu, el socialista Adrián Barbón, animó a la sociedá asturiana a «nun cayer nel desánimu» y «siguir lluchando dende la unidá» pola candidatura de la cultura sidrera a Patrimoniu Inmaterial de la Humanidá.
Asina lo indicó esti sábadu na so intervención nel Festival de la Sidra de Nava, onde esplicó que se trata de «un procesu complexu que lleva muncho tiempu» porque les candidatures puen suponer hasta ocho años de trabayu.
Con too, llamó a nun cayer nel desánimu y «siguir lluchando por ello». «Forma parte de la nuestra forma de vivir y de ser y tenemos que siguir defendiéndola», indicó, p'añadir que «hai que siguir lluchando por ello y facelo dende la unidá». «Va llevar unos años pero de xuru que más ceo que tarde va ser patrimoniu de la humanidá», esplicó.
Nesi sentíu, recordó que se trata d'ún de los sectores que más ta creciendo na so aportación al PIC rexonal, con 44 llagares que yá producen dientro de la DOP. «Un sector puxante que precisa más profesionalización, más apoyu y más implicación», señaló, pa destacar que «precisa xestos» como qu'agora los actos institucionales terminen con sidra, cuando hai años yera con vinu español, informa Europa Press.