Varela indica que la rede acoyó en xunu a 187 persones, 104 muyeres y 83 menores
10 jul 2020 . Actualizado a las 14:09 h.La rede de cases d'acoyida pa muyeres maltrataes tuvo qu'habilitar un centru provisional nuevu p'acoyer a muyeres víctimes de violencia de xéneru pola medría de solicitúes nel estáu d'alarma. Esta rede recibió a 41 víctimes nesti periodu, según informó la directora xeneral d'Igualdá, Nuria Varela, qu'indicó que 19 d'estes muyeres tuvieron qu'agospiase nesi allugamientu provisional que s'espera zarrar n'agostu.
Na rueda de prensa posterior al Conseyu de Gobiernu, Varela indicó que la rede acoyó en xunu a 187 persones -104 muyeres y 83 menores-, y hasta xunetu 30 persones abandonaron la rede, colo que nestos momentos permanecen nes cases d'acoyida 83 muyeres y 74 menores, informa Europa Press.
Sobre les muyeres que pudieren ser víctimes de violencia nes sos cases y nun foron cases d'acoyida, Varela indicó que namás tienen «estimaciones», pero considera «una obviedá» que la violencia y la situación de riesgu aumentaron nel confinamientu.